Vun sega na ovom svetu

Vun sebe od sega na ovomu svetu
došlo bu leto človekoljublja
če bu se pripetililo
a bu se
dogodilo nekaj velkoga
neznam kaj nit’ neznam gde
dal’ črno ili belo
dal’ vruče ili mrzlo
morti znaju pčele na cvetu
morti znaju ftiči vu letu.
Došli smo do ruba
z otprtimi lalafkami
trbuhima do zuba
kak mali mujceki
šterima je matera mačka krepala
i stiščeju se jeden k drugomu
da bi jeden drugoga zgrijali
sam tak z podvitimi repima
kak je i sisanje mleka refleksno.
Nemo pili kerv jedni drugima
kajti ni pijavice ne pijeju jedna drugoj
kerv domaču.
Device devičanske buju plesale kolo
do kraja sveta i nazaj
nigdar nebu kraj!
Dogodilo bu se nekaj velkoga
i onaj Bog vu nami
bu se zbudil
kak se furt zbudi vu nevolji
gda se si ljudi stisneju jeden k drugomu.
Si skupa, na kupu
dobrota bu kapala na se strane
si buju jedno
samo ljubavi vredno
stvorenje.

(Mirna Pavlec Weber 2013, Slikovnost: Catrin Welz-Stein)