NA PROŠČENJE!
(Z jako hitre ruke)

Seno diši, veter z Drave,
Gibam se put Lepoglave.
Oblaki kak perje mehki,
Gdi plavaju ajngeleki!

Nalukne se sova z škednja;
Tu je dragec , tu je Bednja!
Lepe šlinge, ruke bele,
Vse me vure tu vesele!

Nasmeh širim, skinem breme;
Tu je za me stalo vreme!
V srcu spokoj, v glavi srok;
Z BARKOM plavam vu vu BAROK!

Imajte se dobro redom:
Cukor v mleku i kruh z medom!
Sunce grane vu živlenje,
Mi idemo na proščenje!

(Božica Jelušić, rujan 2013.,
slikovnost: Slavko Tomerlin)