Bi te našel, da otideš
v belu meglu, v črni lug,
da na zadnjoj zvezdi zideš,
da te tam otpela cug…
Vse živlenje bi te iskal.
Stoput preputoval svet.
Bi te našel, da se skriješ
i za lasi sedih let…

Bi te našel lepu, mladu,
kak si navek bila ti.
Pitala bi: “Kak je v gradu?”
Bi ti rekel: “Fališ mi”

V pesek reke bi zaronil,
spuzal bi na vsaki breg,
iskal bi pod križnim drevom,
gdi je vse zametal sneg…
Z črne zemle bi te zvlekel,
bi oživel vse kaj spi.
I čez nebo i čez pekel,
da te najdem, prešel bi…

Bi te našel lepu, mladu,
kak si navek bila ti.
Pitala bi: “Kak je v gradu?”
Bi ti rekel: “Fališ mi”

(Priredila: Sanja Šantak)