Slikovnost: Marc Chagall
Sefardska (lepota za v truc)
Pogleč kak na nebu zvezda cvate.
Nekva stranjska, ne znam štera.
Premišluvlem morti za te,
ta stella v truc to dela.
V truc je lepa, v truc se rihta,
v truc cajtima, v truc gezihta.
Zdelana je, z velki žuli,
na rukami rane liže.
Nepravica vu njoj kruli,
starici je stari bliže.
V truc se krpa, v truc bu nova,
cvancinger bi bila znova.
Štepa, štopa, cajgere vu rikverc rivle.
Serce tuče kak sinkopa,
i harfa ju kmali zove.
Na nebu ve zvezda cvate,
najvekša – kak zlatna kruna.
Se latice otpira za te,
dišeča je, z dva – tri trna.
Če ju vidiš i prepoznaš,
nadeni joj nekvo ime.
Cajti su da ve doznaš,
zakaj cvate vusred zime.
Naj se zove Ona lepa,
najbolša i ljubav slepa,
bela roža od praistine.
Ve polukni malo bole,
iluziju od ve – do za te.
I nesvest je bolše vole,
nek roža kaj v inat cvate.
radio gornji grad 
