Kaj popoldan narod dela,
Čeka dežđa kapi friške.
Pak dok z neba pukne strela,
Zbraja manjke, senja viške.

Tunjek se rasušil v kleti,
Veter fučka mu čez rege,
Zbudil se Medardo sveti,
Naoblačil polja, brege.

Gda se zleje kakti z čebra
Saki truden stvor odehne.
Dečja ruka granu ščebra,
Ribič ribi se nasmehne.

Veter stepel je oreha,
Zgubile se goske v draču,
Puno blato dečjeg smeha,
Večeramo orehnjaču.

Flora Green i Radek Lasna