V hosti
 
Zablodeh v črni, kmični hosti,
gda strusil se dien med cmroke,
zablesnule me mlake na potu,
šum srne leteče v kmice gliboke.
Vrušilo se nebo v klancu,
pijavke i voden pavuk treptali su vodu,
zvereč v mlake, v lice strancu,
šumelo je listje, krvarilo v hodu.
Vse su steze vrtele se v frožu,
vseloveča pavučina joči mi splela,
sela je name i mlake i nebo na potu,
a hosta lakoma korak mi zela.
I nema vun z hoste te,
tek piknjica z črnih se mlak bleska,
kaplju negde ostajnki sonca,
v dobniku peskotekučem i ma mrv pieska.

Autorica: Zdenka Maltar (Zbirka Tebi, Erato, 2012.)
Fotografija: Zdenka Maltar