ČAKAJUČI SNIEG

Veju cmreke z gornji hosti,
šiške v mrazu, cinkuše,
gladobne ftiče, pokrita polja,
zaniemelo vse…
I opet jogenj bukovinu liže,
z komina Domači, z davne bajke
pesma dalečine.
Vse si bliže,
čakamo snieg.
Polefkost prede v svilni belini,
mefkost počinka.
Da je meni k tebi dojti,
duša mačja roku projsi,
draganje predi sna.
Vesmir spi vu pahulama,
pelja nas v dečinstva čase,
gde mali jognji čmiže.
Vse si bliže,
čakamo snieg.

VABILI SME FTIČA ČREŠNJEVCA

Vu lehek dien ftiča črešnjevca,
z visoki vej nek dojde k nam,
bogoviti cibalaš.
V zrjniču serce zemle trepče,
znotrašnje živleje.
Kaj nebo,
kaj ne bo sam …
Zima te premarja,
tenja v glaži ftiče straši i sonca blesk.
Mementuš,
kak so uno črešnje zrele
v žoto joko jezer neb,
vesi se kak toga snieg.
Vu lehek dien stišavaš sviet,
detel koči zmržjenom drievu.
Pss… ftiča črešnjevca,
z visoki vej nek dojde k nam,
zrnjiče kaj mertvo vrieme
zemlici ga vabi bliže.
Kaj nebo,
kaj ne bo sam…