LENDAVA

Da se pak ne zaboravi,
Gda smo bili vu Lendavi!
Pasli rosu, kišu, duhe,
Srečni kak na siru muhe!
Tam gdi sunce brazdu orje,
Lukali smo na Pohorje!
Gdi se kukčec k deblu žuri,
Hitali smo pogled k Muri!
Z prijatelji v podrum išli,
Z Prlekije kaj su prišli!
Popeval je ftič na grani:
“Poetuši- zgubidani!”.
Ampak ni bil zresma pravi,
Kaj su ftiči vu Lendavi
Pri Juraku v gnezdu spali,
I na glavu vun opali!
Če se z Turnja nagneš jako,
Lebdiš lepo i polako!
Če te nosi zmožni talas,
Ruku pruži doktor Halasz!
Da ne rečem po vugarski:
V Lendavi se čutim carski!
Čujte reči merodavne:
Do morja joj nema ravne!

F. G.