CHANSON / POPEVKA

Zlatni prstenec i golub lepi,
Za te su dar kak se šika.
A onaj tko za tebom hlepi,
Nek’ za vrat dene si štrika!

Za tebe z belimi turnji kula,
(V lugu su ruže tak lepe, bele!)
Za mene postelja kaj kruto žulja,
(O, kukute bi bel cvet poželel!).

Mirta i jasmin nek’ tebe kite,
(Jognjenu ružu pogledi piju!)
Meni daj ciprese z rutvom zvite,
(Najlepše ružmarini dišiju!).

Tri prosca hrle za tvojom suknjom
(Nad mrtvikom se trava omladi!).
Meni bu pesek z glibokom luknjom,
(Lilije mi nad glavom posadi!).

Prekladala: Božica Jelušić