Vmrl je Igor Mandić

Vmrl je Igor Mandić. Z njim je vmrl čitav jedan vek. Nestal je na pragu rata iza kojeg, ak ga bu, se bu tak i tak reliquiae reliquiarum, i se zemlje i kralji, vojaki i kmeti, se osim one Krležine pravice, sad već narodske – nigdar ni tak bilo, da nekak ni bilo…

Vmrl je Igor Mandić unatoč Rusiji, popevkama Bulata Okuđave, i romanu ”Idiot” od Fjodora Mijaloviča Dostojevskog, s čijim se likom na apsurden način boril kad god je pisal svoje književne kritike. Sad budu naši pisci mirnije mogli spati, jer, vmrl je Igor Mandić pak ni vezda ne bu, da nam nekak ne bu.

I na placu i na vuglu sad si, licemeri ne bez prikrivene himbe, pottiho pripovedaju i neki kakti od jada kričiju i copraju, pišu kak da lasi s glave trgaju, jer vmrl je Igor Mandić – Kajti: kak bi bilo da ne bi nekak bilo, kaj je bilo, a je ne, kaj nije nikak bilo.

Vmrl je Igor Mandić, pisec i novinar, kaj je navek nekaj piskaral, pak i onda kad su mu povedali kak je za to preveć star. Pisal je zato – jer nišće ni bilo da nekak ni bilo, i nigdar ni ne bu da ničega ne bu.

Vmrl je Igor Mandić i tu se ništ više nemre. Prešel je med naše retke svece s one strane sveta, v bolje nekaj neg kaj nam tu ostaje: – kak bu tak bu, a bu vre nekak kak bu!