JENA SERDITA, NA DEŽĐU

Dežđ po krovu, tuča, veter z luknje.
Pekel vani šobonji, lomanče.
Z brega lete ščerepane suknje.
Listje z trsa frče se, prlanče.

Trde rieči, prgave i nore,
Otrgle se kak su cucki z lanca.
V škarpu leti zrnje z Bilogore,
Razdrli se žuti puti z klanca.

Naokolo više nema steze.
Crne rajngle v kleti, trda prga.
Kakve pesme v šlinge, v zlatoveze?
Tupa bol te v kotrigima trga.

Sam po dežđu i po blatu ideš.
Koplje v trnje, barjaka omekni.
Gda me v petek trinajstoga zideš,
Ne znaš ko sem. Z joka mi se mekni.

(Flora Green, 13. rujna 2013.,
slikovnost: dežd na netu)