JESEN V OTROVANCU

Makar po vetru i makar po dežđu,
Tam v Otrovanec misli nas vleču.
Sceđa se mulj čez tenku drežđu,
Opravu šlinganu lipe obleču.

Naša je jesen topla, dišeča;
V Aršanju tudumi, čista milina.
Bedenj i čeber i puta na pleča;
Veselja bude, mladoga vina!

Iskra je v joku, kresnica plava.
Grlica guče na grani bora.
Šuma od baršuna, od đunđa Drava,
A srcu najlepša je Bilogora!

I leto prede, se se obrne.
Gore i dole dojdu na isto…
Vu ZLATNI KLAS se čovek navrne,
Da prijateljstvo najde čisto.

I kaj smo bili a kaj smo vezda?
Stiha smo seli pod staru brajdu.
Odlete ljudi kak ftiči z gnezda,
I gda se vrnu, se svoje najdu.

(Flora Green, rujan 2013.,
fotografije: otrovanec.blogspot.com)