ZMED MURE I DRAVE

Zmed Mure i Drave jeno more trave:
Bele margarete, ftiči k lugu lete.
Repe žuto polje, razlejano olje.
K Dravi ravnokretje: diši protuletje.

Mura prek kamenja, Mura spod korenja,
Pozdravila jalše pak se žuri dalše…
Boje modropruske, sive riblje ljuske.
Srebren konec sence po njoj šlingha vence.

Sela kak po špagi, topli kuti dragi.
Međimurska arka: škrinja milodarka.
Suknje i rekleci i Legradski sveci,
Oblaka pramenje, v Prelogu proščenje.

Zmed Mure i Drave ljudi život slave.
Milovidne joči, celi svet v mehkoči;
Kak je lepo spati, stati se i znati
Da smo v zemlji klice i v travi mravljice…

(26.travnja 2014. Flora Green)