naj negdo drugi bu Bane
nisem ja Bane Bumbar
i nečem biti Bane, rekel sem
gdo hoče biti Bane
nigdo
denes sem videl Banu
došel je na biciklinu do mene
posle sem si pustil mužiku z serije z Gerlom v jagode
naj se prevrti soundtrack mladosti
Goca, Uške, Bane, Čombe, Miki Rubiroza, Seka Štajn
baka Elvira, Bisera
kak v mojem filmu
Dudo, Čepek, Špiro, Gogo, Martin, Gus, Siniša
te černo-beli svet kaj je otpiral album jene mladosti
kaj je svet gledel z mojim jočmi
mladosti, kotera kak da je bila naša
v dobe gda su kina bila puna
gda se je iskala karta več
gda sem jenu vuru čakal v redu za karte
za Suturday Night Fever
a onda znovič vidim Banu v sebi
v Dudiju
v Šukiju, v Meku
vu vsakom vidim Banu
ponegda prevertim te film v glavi
i pogledam po par put onih zadnjih pet minut
gda Bane pripoveda
tega leta 1978. sem matureral
tega leta sem pervič išel po traperice v Trst
tega leta poginula je Mikica
tega leta Štrcka se zamužila v Dubrovnik
tega leta sem kupil pervu škatulu cigaret i miseli kak sem odrasel
vsaki od nas nosi del Bana v sebi
sam kaj jeni valuju, drugi ne
kajti nigdo neče biti Bane
a vsi pa ga vsejeno imamo radi

Grlom u jagode – serija od deset epizoda Srđana Karanovića i Rajka Grlića iz sedamdesetih godina koja govori o odrastanju u šezdesetim godinama, autor muzike za seriju je Zoran Simjanović, Suturday Night Fever – muzički film Johna Badhama iz 1977. s Johnom Travoltom u glavnoj ulozi, s muzikom grupe Bee Gees, valuju – priznaju