RIEČI HIČENE VU VETER

Spremrzli muži hodočastiju peronima zaprtih fabrik
Bez rieči
Čkomina je korenje njihovih tela
Škarnicli im vu rokami; frtal kruha i cigaretlin
Spred njihovega koraka cucek se zavlekel spod klupu
Vu črnu, mertvu rupu
Rieči su zdavnaj hičene vu veter

Dežđi, zima je vu sobi
Ovaj mesec nemamo za plin
Prodal bum hostu spod cene

Dim vu vunzahajnju postaja megleni plašč
Prekrivle varoš, skrivle nas, kipec na pilu prek hiže
Skrivlemo svoje križe
Ajngeli grejeju premrzle roke na kominu fabrike
I smejeju se orslanu vu Afriki, malošu vu Liliputaniji
Kipecu kaj bi štel biti živo bitje, i tebi i meni

A hoste več ni