NE POZABI

Ne pozabi gdi ti srce stoji,
Ni kak diši brazda v protuletju.
Saki den se po dobroti broji,
Ftič popeva i v trnju i v cvetju.

Desna daje, levoj ne govori,
Otpri oblok, nek vonj z hiže zide.
Nek ti drago lice nasmeh stvori,
I obraste bršljan suhozide.

Potrpljivost, ufanje i zmožnost,
Nek ti dani donesu po redu.
Plahost srca, nigdar tvrdokožnost,
Šprih veselja, nigdar žalost bledu.

Stara naj se Novoj vezda mekne,
Nek nam bude bolje nego lani!
Nek nas naša žustrost ne prerekne,
Čuvaj srce na pravednoj strani!

(Flora Green, Na Novo leto 2014.)